မျက်မှောက်ခေတ် စာအုပ်ထုတ်ကြမယ်ဆိုရင် အင်္ဂလိပ်ကနေ မြန်မာပဲ ပြန်ဆိုကြပါတယ်။ ခရစ်ယာန်စာပေမှာ အားနည်းချက်တခုအနေနဲ့ ရှိတာကတော့ ထုထည်ကြီးမားတဲ့ စာအုပ်ထုတ်ဝေသူတွေရဲ့ ပေါက်ရောက်နိုင်စွမ်းပေါ် မူတည်ပြီးတော့ စာအုပ်ခရီးက ခရီးတို၊ ရှည်ပြောင်းသွားပါတယ်။ ပြည်တွင်း၊ နယ် သီးသန့်မှာတင် သောင်တင်သွားတတ်ပါတယ်။ ပြည်ပရပ်ခြား ပင်လယ်ခြားဒေသဆီလည်း ကူးပြောင်းနိုင်ပါတယ်။ အဲသည်တော့ စာအုပ်တွေ ထုတ်ကြပြီဆိုရင် ဘယ်အမျိုးအစားနေနေပါ ဘုံသုံးမြန်မာဘာသာ၊ ဌာနေသုံးဘာသာကို အင်္ဂလိပ်ဘာသာပါ တပါတည်း ပြန်ဆိုပုံနှိပ်ကြပါလို့ တိုက်တွန်းလိုပါတယ်။
စာပေပြဿနာ အခက်အလက်
အတက်အလက်တွေက ပိုမိုပြီးတော့ များမြောင်လာပါတယ်။ ခေတ်စနစ်အရ AI ခေတ်မှာ Digital နည်းပညာကို အသုံးပြုခြင်းမျိုး အားနည်းနေသေးတဲ့ စာပေအရွေ့မှာ Kindle Version, Pub file စတာတွေနဲ့လည်း မြန်မာခရစ်ယာန်စာပေအသိုင်အမြုံကြီးကို ရပ်ဝန်းကောင်းတခုအဖြစ် ဖန်တီးနိုင်ပါတယ်။ စာအုပ်ထုတ်မှ စာရေးဆရာဖြစ်ခြင်းဆိုတာမျိုးကို ကန့်ကွက်လိုရင်းတော့ မဟုတ်ပါဘူး။ စာအုပ် (Hard copy) ရဲ့ ပေါက်ရောက်နိုင်စွမ်းနဲ့ Softcopy ရဲ့ ပေါက်ရောက်နိုင်စွမ်း မတူညီပါဘူး။ Amazon ကနေလည်း မှာလို့ရတဲ့ အရည်အသွေးပြည့်ဝတဲ့ စာအုပ်မျိုးကို ရောင်းတန်းတင်လို့ရပါတယ်။ ထုတ်ပိုးမှု၊ ပို့ဆောင်မှုမှာ စာပေရနံ့သာသင်းမယ်ဆိုရင် စာအုပ်ဆိုတာ အနုပညာတခု၊ မိသားစုတခုဆိုတဲ့ အရသာကို စာရှုသူက ခံစားနိုင်မှာ ဖြစ်ပါတယ်။
စာအုပ်တအုပ်ထုတ်လိုက်ရင် ထုတ်ဝေခြင်းမှာပဲ ကိစ္စပြီးသွားတာမျိုး မလုပ်စေချင်ပါဘူး။ ထုတ်ဝေပြီး ရောက်ချင်ရာရောက် ပေါက်ချင်ရာပေါက်ဆိုတာမျိုးက တာဝန်မဲ့တဲ့ လုပ်ရပ်လို့တော့ ဆိုချင်ပါတယ်။ (အစွန်းရောက်အယူဖြစ်တယ်လို့ယူဆရင်တော့ သည်းခံခွင့်လွှတ်ပေးကြပါ) ဤအကြောင်းကို အချိန်တခုမှာ အကျယ်တဝံ့ ရေးသားတင်ပြပါမယ်။
နည်းပညာအသုံးပြုပြီးတော့ စာအုပ်တိုက်၊ ဖြန့်ချိရေးတိုက်၊ ထုတ်ဝေရေးတိုက်တွေအနေနဲ့လည်း ဖတ်ရှုသူ၊ ဝယ်သူယူတွေအတွက် ဆက်ထုံးဖွဲ့သင့်ပါတယ်။ မြန်မာမှာဆိုရင်တော့ ပန်းဆက်လမ်းရဲ့ Website, App လုပ်ဆောင်ပုံကို နမူနာယူသင့်ပါတယ်။
ပန်းဆက်လမ်း Website - https://www.pannsattlann.com/
စာပျိုးခင်း
ခရစ်ယာန် စာကြည့်တိုက်၊ မိဘမဲ့ဂေဟာ စာကြည့်တိုက်၊ အသင်းတော် စာကြည့်တိုက်၊ ကိုယ်ပိုင် စာကြည့်တိုက် စသည်များ လုပ်ဆောင်သင့်ပါတယ်။ စာအုပ်ရှိမှ စာကြည့်တိုက်ဖြစ်တယ်ဆိုတာကတော့ ဒုတိယ ဦးစားပေးအဆင့်မှာသာ ရှိပါတယ်။ ပထမဦးစားပေးအဆင့်ကတော့ စာကြည့်တိုက်မှူး လိုအပ်ခြင်းပါ။ စာကြည့်တိုက်ပညာကို သိရှိနားလည်မယ်ဆိုရင်တော့ စာပျိုးခင်း၊ စာဖတ်ခန်း၊ စာကြည့်အသင်းဆိုတာမျိုးက တဖြည်းဖြည်းနဲ့ ရုပ်လုံးပေါ်လာမှာ ဖြစ်ပါတယ်။ စာကြည့်တိုက်လုပ်ငန်းနဲ့ပတ်သက်ပြီးတော့ ရပ်တို၊ ရပ်ရှည်သင်တန်းပေးနေတဲ့ အဖွဲ့အစည်းတခုဖြစ်တဲ့ မြန်မာနိုင်ငံ စာကြည့်တိုက်အသင်းကို ချိတ်ဆက်ထားကြပါလို့။
Myanmar Library Association - https://www.facebook.com/profile.php?id=100064628502384
Audiobook
စာအုပ်ကောင်းသည်ဖြစ်စေ၊ စာမူအရည်အသွေး အတန်အသင့်ရှိသည်ဖြစ်စေ၊ စာမူ သာမန်သာရှိသည်ဖြစ်စေ၊ အပျင်းပြေဖတ်ရန်သာရှိသည့် စာမူသာဖြစ်စေ ပရိသတ်ကို တင်ဆက်ခြင်းအပိုင်းမှာ စာအုပ်၊ စကားလုံးများဖြင့်သာ လုပ်ဆောင်လျက်ရှိနေကြပါတယ်။ မြန်မာနိုင်ငံ ခရစ်ယာန်စာပေသက်တမ်းမှာ အသံဖိုင်ဖြင့် တင်ဆက်ခြင်းအလုပ်ကို လုပ်ကိုင်သည်မှာ မြန်မာနိုင်ငံခရစ်ယာန် မျက်မမြင်များ မိဿဟာယ(မခမမတွင်သာ ကောင်းကောင်းကြီး ရှိမည်ဟူ၍သာ) အစုအဖွဲ့ကြီး၏ လုပ်ဆောင်မှုသည်လည်း အကန့်အသတ်နှင့်ရှိသည်။ မိမိတို့ ရေးသားထားသောစာမူများကို အသံဖိုင်ဖြင့် Spotify ကဲ့သို့သော ကမ္ဘာသုံး App ပေါ်တွင် တင်ဆက်နိုင်ပါသည်။ သို့မဟုတ်က YouTube Audiobook Channel စသည်ဖြင့် လုပ်ဆောင်နိုင်ပါသည်။ မိမိတို့၏ အားထုတ်မှုအပေါ်တွင်သာ မူတည်ပါသည်။
- နည်းပညာဆိုင်ရာ အကူအညီ
- စာအုပ်ထုတ်ဝေခြင်းဆိုင်ရာ အကူအညီ
- စာကောင်းပေမွန်ထွက်ဝေခြင်း (စာတည်း၊ စာပြင်ခြင်း)
- မဂ္ဂဇင်း၊ စာစောင်၊ ဂျာနယ်၊ စာအုပ်၊ စာစု၊ Website အကူအညီ
- စာပေဟောပြောခြင်းဆိုင်ရာ အကူအညီ
- စာပေသင်တန်းဆိုင်ရာ အကူအညီ
- စာပေနဲ့ ဆက်စပ်သင်တန်း
- Soft Skill စသည်ဖြင့်
- Workshop, Training မျိုးကို Devoship Journal ဖြင့် လက်တွဲလုပ်ဆောင်နိုင်ပါသည်။
အရိပ်အမြုံကြီးကို အတူတကွ ပျိုးထောင်ကြပါစို့။ ရပ်ဝန်းကောင်းတခု တည်ဆောက်ကြပါစို့။ မြန်မာခရစ်ယာန်စာပေအတွက် ဝန်တာထားကြပါစို့။
