တစ်မြေနေ တစ်ရေသောက်
တစ်အူတုံဆင်း သားချင်းပေလဲ
ရက်စက်တတ်သူက ရက်စက်နေမြဲ...
တစ်လှေတည်းစီး တစ်ခရီးတူသွား
တစ်မိုးအောက်နေလည်း
ဥပေက္ခာပြုသူက ပြုနေမြဲ...
အသက်ကိုသတ်ပြီး ကိုယ်နဲ့မဆိုင်သလို
အသွေးကိုသွန်းပြီး ဘယ်သူမှမသိသလို
ဘဝကိုဖျက်ပြီး ငါကညီထိန်းမှမဟုတ်တာတဲ့
ဟန့်ကိုယ့်ဖို့နဲ့ ကြောင်တောင်တောင် ပလေးနေသေး...
သွေးတွေက တနေ့ခြောက်သွားပေမဲ့
သမိုင်းက ဘယ်တော့မှမခြောက်သွားဘူး
သွေးစွန်းလက်ကို ဆက်ခြောက်နေမှာ
သွေးကစကားပြောတယ်တဲ့
ဟုတ်တယ်!
သွေးကစကားပြောတယ်
မတရားခံရတဲ့သွေးက စကားပိုပြောတယ်
တိုးတိုးလေးပေမဲ့ ဒင်းတို့ နားမှာ
တိုးတိုးလေးပေမဲ့ ဒင်းတို့ အာရုံထဲမှာ
တိုးတိုးလေးပေမဲ့ ဒင်းတို့ အဇ္စုတ္တမှာ
တိုးတိုးလေးပေမဲ့ ဒင်းတို့ အိပ်မက်တွေမှာ
တိုးတိုးလေးပေမဲ့ ဒင်းတို့ မှန်ကြည့်တိုင်းမှာ
တိုးတိုးလေးပေမဲ့ ဒင်းတို့ မျိုးဆက်တွေမှာ
သွေးကစကားဆက်ပြောနေမှာ
ကာဣနကို သနတယ်
ဒင်းလိုလူကို သနတယ်
ဒင်းလိုလူတွေကို သနတယ်
မရဏာသာ
