ညှို့မှိုင်းတဲ့ ကောင်းကင်အောက်
ဝိုးတဝါးအလင်းရောင် ထိုးဖောက်လို့
မှုန်ပြပြ မသဲကွဲပေမယ့်
မီးရောင်တဖျတ်ဖျတ်နဲ့ လူတစု
ရှေ့ရှုလို့ ဂူသင်္ချိုင်းဆီ
မာဂဒလမာရိနဲ့ လူတစု
ပူလောင်မှုနဲ့ ကြေကွဲရင်း
ဝမ်းနည်းခြင်း မျက်ရည်စများ
သခင်ထားသွားပြီလား...
ကြားရတဲ့သတင်းစကား
ပြေးသွားကြည့်သူနှစ်ယောက်
ဂူရောက်မှ သိရခြင်းက
သခင်ထမြောက်ခဲ့ပြီ...
သံချက်နဲ့လက် နံကြားကလှံရာ
သတ်လို့သေရိုးခဲ့မဟုတ်
ဆုတ်ယုတ်တဲ့ လူသားဘဝ
ကယ်တင်ပေးဖို့ အသေခံကာ အကြွေးဆပ်
ဒါထပ်မက တမလွန်ဘဝထိပါ
အာမခံကာ ထာဝရပေးထား
ယုံသူဘဝမှာ ကယ်တင်ခြင်းမက
ဆုလာဘ်ပါ ပါသေးသမို့
အသက်ရှင်ဖို့ ထိုက်တန်စေချင်
သခင်ထမြောက်တာ
သင်နဲ့ကျွန်ုပ် နှုတ်နဲ့ဝန်ခံကြစေတဲ့...
Stallone (ဖျာပုံ)
