ပြောင်းလဲခြင်းမှတ်တိုင်အောက်
သိုးမည်းတစ်ကောင်ရဲ့
အဆိပ်တတ်နေတဲ့ နှလုံးသား .....
အလင်းမဲ့နောင်တတွေမျိုချရင်း
ဝိညာဥ်မျက်ရည်တစက် ...... စက်
လောကကာမဂုဏ် ..... အထပ်ထပ် ။
စာတန် နဲ့ ဘုရား
ကောင်းကင် နဲ့ ငရဲ
အဲဒီ လွန်ဆွဲပွဲပေါ့ ။
လောကီတရားနုရဲ့
ချိုမြမြလမ်းကျယ်ထဲ
ဇာတိပကတိရဲ့ အနံ့ပြင်းတဲ့လှောင်အိမ်မှာ
ငါ့အတ္တရုပ်ဝတ္ထုတွေလည်း
လှပ ကြွရွနေရဲ့ ။
မနက်ဖြန်ရဲ့ ငြိမ်သက်ခြင်းမျှော်စင်ပေါ်က
ငါအော်လိုက်တယ်
"အချင်းစာတန် ငါ့နောက်သို့ဆုတ်လော့" ။
ဆွန်လျန်မုန်
