အစ္ဇျတ္တ​စျေးခင်း

​ဆေး​တွေ​​နော် ​စျေး​​ခေါ်လို့​ရောင်းလိုက်မယ်။

အိုး​တွေ​နော် ​စျေး​ခေါ်လို့​ရောင်းလိုက်မယ်။

အိုတူး​တွေ​နော် ​စျေး​ခေါ်လို့​ရောင်းလိုက်မယ်။

ဝယ်ချင်ဝယ် မဝယ်ရင်​သေတဲ့။

ကြိုက်​ရောင်း ကြိုက်ဝယ်မဟုတ်​လို့

မကြိုက်လည်း​ရောင်းမှာဘဲ။

ဆဲလည်း​ရောင်းမှာဘဲ။

ချစ်ရသူ​တွေမ​သေ​စေချင်ရင် ရတဲ့အချိန်ဝယ်ထားကြဆိုဘဲ။

​​ကြေးကအ​ရေးလား ​ဘေးကအ​ရေးလား ဆိုဘဲ။

ဝယ်ချင်ဝယ် မဝယ်ရင်​သေတဲ့။

ဒီလိုသမိုင်း​တွေရိုင်းခဲ့တာကြာ​လို့

စိတ်ရိုင်း​တွေ အပြိုင်းအရိုင်းကြီးတာမြန်​ပေါ့

ဒီလှိုင်းနဲ့ဒီ​လှေမှာ ထင်ရာစိုင်းတတ်တဲ့သ​န္ဓေ​ကြောင့်

ဟန်တဆင် မာန်တခွဲ ရယ်ကြဲကြဲနဲ့ အတ္တရှင်ယုဒမှာဖြင့်

လည်မျို​တွေကို​နင်း​ခြေရင်း တမျည်းမျည်းအရသာခံ​နေ​လေရဲ့

​​လောဘကို ရွက်ကုန်ဖွင့်

မာရ်နတ်နဲ့ အရှိန်အဟုန်လွှင့်

ဓနသဒ္ဓိအပြီးတင်ထားတဲ့ ​

ကျိန်ခြင်းဓာတ်လုံး​တွေကို မျိုရင်းဆို့ရင်း

မသိ မသာ​တွေဖြစ်လို့

သိသိသာသာ  မသာ​တွေဖြစ်လို့

တကယ်​တော့

မျက်ရည်မိုးနဲ့ 

ပန်းပျိုးချင်တဲ့သူ​တွေက

လူယုတ်မာ​​တွေဘဲ။

အစ္ဇျတ္တ​စျေးခင်းမှာ 

ပြန်လမ်းမဲ့ မိစ္ဆာ​တွေဘဲ။

မရဏာသာ

ကလောင်ရှင်အား တိုက်ရိုက် စာမူခ (Love Gift) ချီးမြှင့်လိုလျှင် 

+959 799 829 868 [Phone No.]

Website - https://www.devoshipjournal.com

Telegram - https://t.me/devoshipjournal , https://t.me/malak_devo