သိုးက
ခြုံထဲမှာ ချိုညှိနေတာမဟုတ်ဘူး
ဖုန်းပွတ်နေတာကွ ဖုန်းပွတ်နေတာ။
စကားလုံးတွေက
ထိပ်ဖူးမှာ
အဆိပ်လူးထားတဲ့မြှားတွေလိုပါပဲ
လေးပေါ်ရောက်ရင်တော့အသက်ဝင်လာမှာပဲ။
သူရဲလက်မှာရှိတဲ့အားနဲ့
လက်မောင်းကကြွက်သားဆိုတာ
နုတ်ဖျားကမထွက်ရဘူး။
ခေတ်ကာလကိုကြည့်ရင်
ဘာလုပ်ရမယ်ဆိုတာသိထားရမယ်
တံခါးဝလာခေါက်တော့မှ
ဗာလာနံ အပျိုတသိုက်လို
ဟို/ဒီပြေးပြီးဆီဝယ် ဂျင်းဝယ်မယ်လုပ်ရင်
သင်ဟာ
ဆိုးညစ်ပျင်းရိသောသူသာဖြစ်မယ်
(ငယ်သားသာဖြစ်မယ်)။
တချို့ဟာတွေက
မြေမြုပ်ထားလို့မှအဆင်မပြေတာ
ခြေချုပ်ထားလို့မှအဆင်မပြေတာ
ထ အခု ထ
ငိုက်နေတဲ့မြည်းလိုမလုပ်နဲ့
သခင်လည်ပြန်ကြည့်မှ
ကျနော်အမှားသိပါပြီဆိုရင်(ပေတရုလို)
တောင်ပြင်ကိုအစိုးရတဲ့မိဘုရားတဖက်မှာ
သင့်အရုံးတွေ
အကြွေးတောင်ယာပုံသွားမယ်
ထ အခု ထ
ပြေး အခု ပြေး
ဝိညာဥ်လူဆိုတာ
စစ်သူရဲလိုအမြဲအသင့်ဖြစ်နေရမယ်။
ထီးခူ
ကလောင်ရှင်အား တိုက်ရိုက် စာမူခ (Love Gift) ချီးမြှင့်လိုလျှင်
+959 772 998 764 [KBZPay]
+959 793 014 388 [Wave]
Website - https://www.devoshipjournal.com
Telegram - https://t.me/devoshipjournal , https://t.me/malak_devo
