ခါနန်ဗီဇာ

 

အဖြစ်ကတော့

ဆူးကြားက ဘူးခါးပါပဲလေ

နှင်းခါးချွေလို့ ဘဝတွေကြွေကြွေနေတော့

လှုပ်လေ မြုပ်လေ

ရှင်း​လေ ရှုပ်လေ

မန်းလေ ပြဲလေနဲ့

တောင်းလေ ဂွမ်းလေ ဖြစ်မလားပဲ

နစ်နေတဲ့နွံထဲ

တခါတခါ ဘုရားမှရှိပါသေးရဲ့လားလို့

သင်တွေးမိရင်

အခါခါ လဲလဲကျရင်း

တောက်ရာက မွဲမွဲသွားကြတဲ့

ဣသရေလတွေရဲ့ယုံကြည်ခြင်းကိုသတိရပါ

ခါနန်ဆိုတာ

ယုံကြည်ခြင်း အိုမင်းရွတ်တွနေသူတွေအတွက်မဟုတ်

ယုံကြည်ခြင်း ပျိုမြစ်ကြွပ်ရွနေတဲ့လူငယ်တွေအတွက်သာဖြစ်တယ် ။

ထီးခူ

(ကလောင်ရှင်သည် ကဗျာရေးစပ်သူ တဦးဖြစ်သည်)

Website - https://www.devoshipjournal.com

Telegram - https://t.me/devoshipjournal , https://t.me/malak_devo