ခေတ်သစ်ယောသပ်

အများထက်ပိုချစ်လို့

ဝတ်စုံသစ်ကို ဆင်မြန်းပေး

အရောင်အသွေးစုံတဲ့လောကဇာတ်ခုံ

ဝတ်ရုံလေးမို့ သဘောကျပါရဲ့

ဒါပေမယ့် အစ်ကိုတွေအပြစ်မြင်

ချစ်ကြင်စိတ်ပျောက်ကွယ်

အတ္တတွေရဲ့အလည်မှာ

အဖေတိုးလို့ ချစ်နေတော့

ပျော်ရတယ်ပေါ့....

အစ်ကိုတွေဟာ 

ဒုစရိုက်မှာ ပျော်တတ်ပြီး

မတော်မတရား လုပ်စားကြတယ်

လိမ်လည်လှည့်ဖျား 

မုသာစကားကြွယ်

အတ္တကြီးတယ် 

လောဘမီးတောက်

အရှက်အကြောက်ကင်းပြီး

လောကကြီးကို တင်ရောင်းချင်နေတာ

အကျည်းတန်လွန်းတာများ

အဖေ့ဆီစကား ကြားပြောလိုက်တော့

သူတို့မုန်းကြ​တာပေါ့လေ...

အမှန်တရားတွေက

သိပ်ကိုခါးလှတယ်အဖေ

​မှားယွင်းနေတာထောက်ပြလို့

သိပ်ကြောက်ကြတဲ့ အစ်ကိုများ

ရက်စက်ခြင်းတရားနဲ့ 

အမှားမပြင်အပြစ်တင် 

အသက်ကို​ပင်ရန်ရှာလို့.

မှန်ရာကိုလုပ်ဖို့အတွက်

အဝေးကိုထွက်ခဲ့ရတယ်....

အဖေရဲ့အချစ်နဲ့ သွန်သင်ခြင်းတွေ

ရင်ထဲမှာ စိုးမိုးနေတော့

တိုးတက်နေတဲ့ခေတ်ကြီးထဲ

ဖြစ်နေဆဲဘဝမှာ အမှားမဖက်

တရားလက်လွတ်အသက်မရှင်

အဖေဖြစ်စေချင်သလိုမျိုး

ရိုးရိုးသားသား သစ္စာတရားနဲ့

အသက်ရှင်ခဲ့တာ 

အဖေရဲ့ကျေးဇူးကြောင့်ပါ.....

ကျွန်တော်ဟာ အဖေရဲ့သားမို့

အဖေ ခင်းပေးတဲ့တရားလမ်း

ရဲရဲလျှောက်လှမ်းရင်း

ချီးမွမ်းခြင်းနဲ့ တစ်နေ့မှာ

အောင်မြင်တဲ့ဘဝရောက်လာတဲ့အခါ

တစ်သက်တာအနားမှာ

ပြုစုပါရစေ....

အဖေချစ်တဲ့...

အဖေ့​ရဲ့ မေတ္တာ

ကြီးမားစွာ ခံစားရင်း

နာမည်အရင်းတောင်ပြောင်းပြီး

ခေတ်သစ်​ယောသပ်ဖြစ်ခဲ့ပြီ...။

SPP

(ကလောင်ရှင် SPPသည် ကဗျာများ မြောက်များစွာ ရေးသားနေသည့် စာရေးသူတဦးဖြစ်သည်)

Website - https://www.devoshipjournal.com

Telegram - https://t.me/devoshipjournal , https://t.me/malak_devo