ငါတို့လက်တွေ တွဲထားကြ
သမိုင်းတကွေ့ရဲ့ မှတ်တမ်းမှာ
အကြောက်တရားနဲ့ မှေးစက်မလား
ယုံကြည်ချက်ကို ထွေးဖက်မလား ....... ။
အာဏာပြောင်းဝက မိစ္ဆာနံ့ဟာ
အရူးတစ်ယောက်ရဲ့ အိပ်ပျက်ညလို
ထူထူပူပူ ငြူငြူစူစူ ....... ။
ငြိမ်သက်ခြင်းတွေ ခိုးယူခံရပြီ ..... ( သခင် )
သံပုံးကို နှလုံးသားနဲ့ခေါက်တိုင်း
ဆို့တတ်လာတဲ့ မျက်ရည်စဟာ
ညီညွတ်ခြင်းမျက်ရည်စ
စည်းလုံးခြင်းမျက်ရည်စ
ငြိမ်းချမ်းခြင်းမျက်ရည်စ ....... ။
ငါတို့လက်တွေ တွဲထားကြ
အာဏာရှင်ရဲ့ အတ္တတံခါးကို
၈ နာရီမှာ ခေါက်တဲ့အခါ
ကမ္ဘာကျော်ပန်းက ပြုံးနေမှာ ....... ။
ဆွန်လျန်မုန် ( မကွေး )
(ကလောင်ရှင် ဆွန်လျန်မုန် (မကွေး)သည် ကဗျာများ မြောက်များစွာ ရေးသားနေသည့် ကလောင်ရှင်တဦးဖြစ်သည်)
