ငါ့နှလုံးသားတွေ သွေးအလိမ်းလိမ်း
ရောင်းရင်းတွေရဲ့ ကျစီးသွေးတွေ မြင်ယောင်ရင်းလေ
ဘယ်အချိန်မှတိတ်တော့မလဲ။
ဘယ်သူမှ မသိနိုင်ဘူး
ငါ့ဝေဒနာတွေက နှင်းလုံးလိမ့်လာသလို
လိမ့်ရင်းကြီးရင်း လိမ့်ရင်းကြီးရင်း
ဘယ်အချိန်ရပ်မလဲ။
ဘယ်သူမှမသိနိုင်ဘူး
ငါ့အိပ်မက်တွေ အခိုးခံလိုက်ရတယ်
သူပြောတော့ "အေးဆေးပါ" တဲ့
ငါ့အနာဂါတ်တွေ အခိုးခံလိုက်ရတယ်။
သူပြောတော့ "ပြသနာမရှိဘူး" ဆိုဘဲ
ငါ့အနာဂတ် အခိုးခံလိုက်ရတယ်။
သူပြောတာတော့
" "
စက္ကန့်တိုင်း ငါဟာ အသတ်ခံရနေတယ်
စက္ကန့်တိုင်း ငါဟာ မုဒိန်းကျင့်ခံရနေတယ်
စက္ကန့်တိုင်း ငါဟာ သင်္ဂြိုလ်ခံနေရတယ်။
မင်း သိလား?
ဘဝဆိုတာ အထူးလက်ဆောင်
မြတ်စွာဘုရားက ထူးခြားစွာ ညှိထွန်းလိုက်တာကွ။
ငါကိုသတ်ဖို့ ဘယ်သူ့မှာ အာဏာရှိလဲ?
တယောက်မှ မဟုတ်ဘူး။
ငါ့ကိုညှင်းဆဲဖို့ ဘယ်သူ့မှာ အာဏာရှိလဲ?
တယောက်မှ မဟုတ်ဘူး။
ငါ့ထဲ အဆုံးမဲ့ဝေဒနာတွေစိုက်ပျိုးဖို့ ဘယ်သူ့မှာ အာဏာရှိလဲ?
တယောက်မှ မဟုတ်ဘူး။
ငါ့အိမ်မက်တွေကို ခြေမွဖို့ ဘယ်သူ့မှာ အာဏာရှိလဲ?
တယောက်မှ မဟုတ်ဘူး။
ဘယ်လိုပဲဖြစ်ဖြစ်
လှိုင်းသမုဒ္ဒရာအထက်ကျော်ဖြတ်မှာ
ဘယ်လိုပဲဖြစ်ဖြစ်
တောင်ထွဋ်ထက်ကိုအရောက်သွားမှာ
ဘယ်လိုပဲဖြစ်ဖြစ်
ကာလမဲ့အာကာသထဲ ကူးခတ်ဦးမှာ
ဘယ်လိုပဲဖြစ်ဖြစ်
အိပ်မက်တစ်ခုချင်းကို လက်မလျော့ဘဲသိမ်းပိုကိဦးမှာ ။
"မင်း".. ငါ့ခန္ဓာကိုနင်းခြေလို့ရပေမဲ့
ငါ့အိပ်မက်တွေတော့ မရဘူး
"သူတို့" က ဆက်သယ်သွားလိမ့်မယ်။
"မင်း".. ငါ့ဦးနှောက်ထဲ ပစ်ထောက်လို့ရပေမဲ့
ငါ့လိပ်ပြာကိုတော့ မရဘူး
"သူတို့" က ဆက်သယ်သွားလိမ့်မယ်။
"မင်း".. ငါ့အသက်ရှုခြင်းကို ရပ်တန့်လို့ရပေမဲ့
ငါ့ကြမ္မာကိုတော့ မရဘူး
"သူတို့" က ဆက်သယ်သွားလိမ့်မယ်။
တနေ့ "မင်း" သေမယ်
"သူတို့" က ဆက်သယ်သွားလိမ့်မယ်။
တနေ့ "ငါ" သေမယ်
"သူတို့" က ဆက်သယ်သွားလိမ့်မယ်။
"မင်း" ဘယ်သူလဲ
"ငါ" ဘယ်သူလဲ
"သူတို့" ဘယ်သူလဲ
သမိုင်းက အမှတ်ရနေလိမ့်မယ်။
"မင်း" ဘယ်သူလဲဆိုတာ
"ငါ" ဘယ်သူလဲဆိုတာ
"သူတို့" ဘယ်သူလဲဆိုတာ
ဒိဌ ဧကန်
သမိုင်းက အမှတ်ရနေလိမ့်မယ်။
Rev.ISRAEL LAPHAI
(ကလောင်ရှင် Rev.ISRAEL LAPHAIသည် ကဗျာများ မြောက်များစွာ ရေးသားနေသည့် ကလောင်ရှင်တဦးဖြစ်သည်)
