အိပ်မက်မြစ်ထဲ ဘဝတွေမြောတော့
စာနာမှုမရှိတဲ့ လူတွေကဝိုင်းရယ်ကြတယ်
တချို့ဆို အမှားတွေထောက်ပြပြီး
အပြစ်တင်နေကြလေရဲ့
အိပ်မက်က ဆက်မက်ဖို့
ဘဝတွေရင်းခဲ့တာမဟုတ်ဘူး
တည်ဆောက်ဖို့ အုတ်မြစ်ချသွားခဲ့တာ
ခိုင်မာတဲ့ ယုံကြည်ချက်နဲ့ ဆောက်နေကြတဲ့ ငါတို့
အနာဂတ်ရဲ့သမိုင်းဝင်လူစွမ်းကောင်းတွေ
ကိုယ်ချင်းစာစိတ်မရှိတဲ့ သူတို့တွေကတော့
သမိုင်းဝင်အမျိုးယုတ်သစ္စာဖောက်တွေ
Alphaလေးတွေ လက်ထက်
ငြိမ်းချမ်း ညီညွတ်တဲ့
ဒီမိုကရေစီ အကောင်အထည်ပေါ်ရေးအတွက်
ငါတို့သည်
အရောင်မဲ့ သဲပွင့်များသာ။
L.R.ထား
(စာရေးသူ L.R.ထားသည် ရသမြောက်သည့် ကဗျာနှင့် အက်ဆေး စာစုများ ရေးသားနေသည့် လူငယ်စာရေးဆရာမတဦး ဖြစ်သည်)
