အစရှိတယ်
အဆုံးရှိမယ်
အရွေ့တိုင်းကို သယ်ဆောင်သူဟာ
ကိုယ်ကိုယ်တိုင်ပဲဖြစ်ချင်ခဲ့
လှပခြင်းမှတ်တိုင်မှာ ခဏဖြစ်ဖြစ်ဝင်နားနိုင်ဖို့
အရာရာတိုင်းမှာ အနည်းဆုံးတော့
အချစ်နဲ့စပြီး
အမုန်းကို ကွင်းမယ်
တကယ်တော့ . . . ဒါဟာ
ဆန္ဒနဲ့ လက်တွေ့
တစ်ထပ်တည်းကျဖို့ ကြိုးစားနေတဲ့အရာထဲကတစ်ခု
တိုက်စားခံလိုက်ရတဲ့ ဘဝအပိုင်းအစတွေနဲ့
လက်ထဲရောက်မလာသေးတဲ့ အိပ်မက်သစ်တွေ
ရလဒ်ကိုချိန်ထိုး
အဖြေတွေညီပါစေပေါ့ . . .
လာပါ မိတ်ဆွေတို့
ရောက်လာတော့မယ့် လှပခြင်းမှတ်တိုင်မှာ
ခဏဖြစ်ဖြစ် မှတ်မှတ်ရရ ခိုနားဖို့
ပြင်ဆင်ကြစို့။
လိုင်ဂျီယာ (မိုးကုတ်)
(ကလောင်ရှင် လိုင်ဂျီယာ (မိုးကုတ်)သည် ကဗျာများ မြောက်များစွာ ရေးသားနေသည့် ကလောင်ရှင်တဦးဖြစ်သည်)
