ခြေရာခံဖို့ပဲ
ခြေရာတွေ မကျန်ခဲ့ဘူး
ငါးမရတော့လည်း
ရေချိုး...
ပြီးတော့
အဲ့ဒီရေကိုပဲ ကြိုသောက်ခဲ့တယ် မဟုတ်လား?
အိုင်တော့အိုင်ပဲ
ဒါပေမယ့် ဒါက တီတီကာကာရေအိုင်...
ငါးတွေခပ်ဖို့
ရေကို ယက်ယူကြမယ်တဲ့
ဝင်သက်နဲ့ထွက်သက်မှာ
ကိုယ်ဟာ သားကောင်ဖြစ်နေခဲ့ကြ....
သနားစရာ
ခြေထောက်မှာ ဒဏ်ရာတွေ့တော့
ကျော့ကွင်းဟာ ငါ့ကျော့ကွင်းပေါ့
ငါ့လည်ပင်းကို ပြန်ပြန်ရစ်ထားတဲ့ကြိုးတွေ။ ။
ခန့်သစ်ရင်
(စာရေးသူ ခန့်သစ်ရင်သည် ကဗျာ၊ အက်ဆေး၊ ဝတ္ထုနှင့် ဓမ္မရေးရာစာစု မြောက်များစွာ ရေးသားနေသည့် လူငယ်စာရေးဆရာတဦး ဖြစ်သည်)
