လူတွေ မမြင်နိုင်တဲ့ တဖက်ကမ်းမှာ
ဘုရားသခင်ရဲ့
လှပသေသပ်တဲ့ အကြံအစည်ရှိတယ်
လူတိုင်းဆီမှာ
ဘုရားရဲ့ အကြံအစည်မတူဘူး
တခါတရံ
ခက်ခဲမယ်
ကြမ်းတမ်းမယ်
မိုးရွာမယ်
နေသာမယ်
လေမုန်တိုင်းတွေလည်းလာမယ်
လေပြေလည်း တိုက်လာမယ်
တကြိမ်ကျရှုံးနေလား
၇ ကြိမ်ပြန်ထပါ
ရှင်လျက်နဲ့ သေနေသလား
ဒါက မဖြစ်သင့်ပါ
ထွက်ပေါက်ဆိုတာ အမြဲရှိတယ်
သင်ယုံပါသလား
သင်မယုံလည်း ရှိနေတာက
ထွက်ပေါက်တခု... ထွက်ပေါက်တခု
ဘုရားဆီမှာ လှည့်ပြန်ပါ
ထွက်ပေါက်ကိုလည်း သင်ရှာတွေ့မှာ
မုန်တိုင်းရဲ့အထက် ပျံသန်းနိုင်မှာ
ထိုသခင်နဲ့သာ...။
ကျဲရ်
(စာရေးသူ ကျဲရ်သည် ကဗျာ၊ အက်ဆေး၊ ဓမ္မရေးရာစာစု မြောက်များစွာ ရေးသားနေသည့် လူငယ်စာရေးဆရာတဦး ဖြစ်သည်)
