အပိုင်း(၂)
"ကျော်ကျော်ဘာတွေစဉ်းစားနေတာလဲ... ကျွန်တော်ကြည့်တာမနည်းကြာနေပြီးလေ"
"စောအယ်သောလေးအကြောင်းပါ"
"အော်"
"အယ်ထူး... မင်း စောအယ်သောလေးအကြောင်းသိလား... ငါ့ကိုပြောပြပါ့လား"
"သေချာတော့မသိဘူး ကျော်ကျော်။ ကျွန်တော့်ညီအယ်ထီးတော့ သိလိမ့်မယ်ဗျ"
"အယ်ထီးဆိုတာ"
"ကျွန်တော့်ညီ မနက်ဖြန်ပြန်လာမှာ။ မြို့မှာစာမေးပွဲသွားဖြေနေတယ်။ သူကအယ်သောနဲ့ အရမ်းခင်တာ"
"ဟုတ်လား"
"ဟုတ်တယ်ဗျ ကျော်ကျော်။ ဒီညနေရော အယ်သောလေးတို့အိမ် သွားဦးမလား"
"သွားမှာပေါ့ကွ။ အယ်သောလေးသက်သာရဲ့လားမသိဘူး"
"အော်မေ့နေလို့"
"ဘာလဲအယ်ထူးရ"
"ညနေထမင်းလာစားပါတဲ့ ဖထီးကမှာလိုက်တာ မေ့နေတယ်။ ကျော်ကျော်ရေချိုးတော့လေ ခဏနေသွားရအောင်"
"အေးအေး"
ဆရာဝန်လေးရေချိုးဖို့သွားတော့မှ အယ်ထူးလည်း သိမ်းစရာရှိတာ သိမ်းနေလိုက်သည်။
"တေးခွားလေးအယ်သော"
"ဗျာကျော်ကျော်"
"နေကောင်းရဲ့လား... သက်သာလား"
"ဟုတ်ကျော်ကျော်"
"ခဏနေ ဆရာဝန်လေးလာလိမ့်မယ်။ နေမကောင်းရင် သေချာပြောပြလိုက်နော်တေး"
"ဟုတ်ကဲ့ ကျော်ကျော်"
"ဘာလဲတေး"
"မနက်ဖြန် ဆိုင်ကယ်ခဏယူသွားမယ်နော်"
"ဘယ်သွားချင်လို့လဲတေး"
"ကားလမ်းဘေးပါ။ အယ်ထီးသွားကြိုမလို့"
"အော်... အေးအေး ယူသွားလေ"
"အပါးရောမတွေ့ဘူးနော်။ ဘယ်သွားလဲ ကျော်ကျော်"
"ဟိုဘက်ခြံခဏသွားတယ်တေး။ ခဏနေပြန်လာလိမ့်မယ်။ တေးဘာလိုချင်လို့လဲ"
"မလိုချင်ပါဘူးမတွေ့လို့''
"အတေးအခုတလော ရွာထဲလည်းမသွားတာကြာပြီနော်။ မနေ့ကဖထီးစောဖိုးတောင်မေးနေတယ်။ အယ်သောလေးမလာတာကြာနေပြီတဲ့"
"အယ်ထီးနဲ့မှ သွားတော့မယ်ကျော်ကျော်"
"အယ်သောလေးလည်း နောက်နှစ်မြို့ပေါ်အယ်ထီးနဲ့အတူ ကျောင်းတတ်ရတော့မှာပါ"
"ဟုတ်တယ်ကျော်ကျော်... အတေးသွားတတ်ရမလားဟင်"
"သွားတတ်ရမှာပေါ့။ အပါးက အတေးလုပ်ချင်တာအားလုံး ခွင့်ပြုထားတယ်လေ"
"ဟုတ်ပါတယ်'"
ညီအကိုနစ်ယောက်စကားပြောနေတုန်း ဆရာလေးရောက်လာတာမို့ စကားပြောရပ်ကာ ဆရာလေးကို ဧည့်ဝတ်ပြုနေတုန်း အပါးပြန်ရောက်လာသည်။
"ကိုအယ်ထူး... မနက်ဖြန်အယ်သောပဲ အယ်ထီးကိုသွားကြိုမယ်နော်"
"အေးအေးသွားလေ"
"အယ်သောလေး"
"ဗျာဆရာ"
"မင်းကဆရာ့ကို မခင်ဘူးလား"
"ဟင်ဘာလို့လဲဆရာ့ဆီ တခါမှ လာမလည်လို့လေ"
"အယ်ထီးပြန်လာရင်လာခဲ့မယ်ဆရာ။ အယ်သောကတိပေးပါတယ်ဗျ"
"ဟင်းချက်ကျွေးဦးနော်"
"ဟုတ်ကဲ့ပါဆရာ"
ဆရာနဲ့အပါးတို့စကားပြောနေတုန်း အယ်သောအောက်ဆင်းလာခဲ့သည။ ခြံထဲက ဝါးထိုင်ခုံလေးပေါ် ထိုင်ရင်း မနက်ဖြန်အယ်ထီးနဲ့တွေ့ရင် ပြောပြမဲ့အကြောင်းတွေ စဉ်းစားနေမိသည်။
ဆက်ရန်
မာန်လေးနွယ်
(စာရေးသူ မာန်လေးနွယ်သည် ကလေးပုံပြင်မြောက်များစွာ ရေးသားနေသူဖြစ်သည့်အပြင် ရသမြောက်သော ၀တ္ထုများ ရေးသားနေသည့် လူငယ်စာရေးဆရာ တဦးလည်းဖြစ်သည်)
