သမ္မာကျမ်းစာဟာ လူသားတိုင်းအတွက်
မရှိမဖြစ် လိုအပ်သော Guide Lineတခုပါ
အဲ့ဒီ Guide Lineထဲမှာ
ထာဝရအသက်ကို ဘယ်လိုရနိုင်မလဲဆိုတဲ့နည်းလမ်း
ပြသနာတွေထဲ ဘယ်လိုရပ်တည်ရမလဲဆိုတဲ့နည်းလမ်း
အလုပ်ကို ဘယ်လိုကြိုးစားရမလဲဆိုတဲ့နည်းလမ်း
ဘယ်လိုအစေခံရမလဲ ဆိုတဲ့နည်းလမ်း
ဘယ်လိုဉီးဆောင်ရမလဲ ဆိုတဲ့နည်းလမ်း
ဘယ်လိုအိမ်ထောင်ဖက်ရှာတွေ့နိုင်မလဲ ဆိုတဲ့နည်းလမ်း
သားသမီးတွေကိုဘယ်လိုသွန်သင်ရမလဲ ဆိုတဲ့နည်းလမ်း
စသဖြင့် အကုန်ရှိပါတယ်
အချို့ယုံကြည်သူလူငယ်တွေဟာ
ဘဝမှာ ဘယ်လို အသက်ရှင်ရမလဲဆိုတဲ့ Guide lineကို
သမ္မာကျမ်းစာမှာ မရှာဘဲ
ပြင်ပစာပေတွေမှာ စျေးကြီးပေးဝယ်ပြီး
ရှာနေတာ တွေ့ရတယ်
အခမဲ့ အချိန်မရွေးဖတ်လို့ရတဲ့
တရားစကားစာအုပ်ကတော့
စာအုပ်စင်ရဲ့ထောင့်မှာ ဖုန်အလိမ်းလိမ်းရှိနေပြီး
လူတွေရဲ့ ဘဝဒဿန ရသစာပေတွေကျ
၅ထောင်ဆိုလည်း ဝယ်ဖတ်
၈ထောင် ၁သောင်းလည်း ဝယ်ဖတ်နေကြတယ်
ပြင်ပစာပေတွေဖတ်တာ
အချည်းအနှီးလို့မဆိုလိုပါဘူး
ဖတ်ကြပါ အားပေးပါတယ်
ကျတော်ကိုယ်တိုင်လည်း ဖတ်ပါတယ်
သို့သော်
ထိုလောကစာပေတွေက
အရာအားလုံးရဲ့အဖြေမဟုတ်ဘူးဆိုတာ
ခရစ်ယာန်လူငယ်တွေ သိရပါမယ်
လူငယ်တိုင်းမဟုတ်ပါ
အချို့ကိုပြောခြင်းပါ
ဗာလဘုရားရှေ့မှာ ဒူးမထောက်တဲ့
ဣသရေလ လူ ၇ထောင်
ဘုရားအတွက်ရှိနေသေးသလို
ဘုရားစကား သမ္မာတရားကိုဖတ်ရှုလိုက်နာတဲ့
လူငယ်တွေ ရှိနေဆဲပါ
ထမင်းပေါင်းအိုးတလုံးအတွက်
အသုံးပြုပုံ အညွှန်းစာအုပ်က
ပူးတွဲပါပြီးသား ဖြစ်သလို
ဘုရားဖန်ဆင်းထားတဲ့ လူတယောက်အတွက်
အသက်ရှင်မှုလမ်းညွှန်က
သမ္မာကျမ်းစာထဲမှာ ရှိထားပြီးသားပါ
သမ္မာကျမ်းစာကိုဖွင့်ဖတ်ခြင်းအားဖြင့်
တရားစကားကိုတွေ့နိုင်ပြီး
ထိုတရားစကားကသာ
ဘယ်လို အသက်ရှင်ရမလဲဆိုတဲ့
ဘဝရဲ့ အဓိပ္ပာယ်ကို ရှာတွေ့မှာ ဖြစ်တယ်
သုတ္တံကျမ်း ၄:၂၂
အကြောင်းမူကား၊ ထိုတရားစကားကို တွေ့ရသောသူတို့သည် အသက်ရှင်ခြင်း၊ တစ်ကိုယ်လုံးကျန်းမာခြင်းအကြောင်းကို တွေ့ရပြီ။
Saw Winner
(စာရေးသူ Saw Winnerသည် ဓမ္မရေးရာစာစု မြောက်များစွာ ရေးသားနေသည့် လူငယ်စာရေးဆရာတဦး ဖြစ်သည်)
