ဘာလို့များတွန့်ဆုတ်​နေမလဲ

 

လူတ​ယောက်ကို ​လေးစားတယ်၊ အထင်ကြီးတယ်၊ အားကိုးတယ်ဆိုတာကို ​သေ​သေချာချာ​ခွဲခြမ်းကြည့်မယ်ဆိုရင် ထိုသူရဲ့ အစွမ်းအစကိုကြည့်ခြင်းဖြစ်တယ်ဆိုတာကို နားလည်ရတယ်။ ဆိုကြပါစို့ မိမိရဲ့ အိမ်ကပစ္စည်း တခုခုကို သူခိုး,ခိုးသွားတယ်ဆိုရင် အဲဒီသူခိုးကို ဖမ်းဆီးနိုင်မဲ့သူဖြစ်တဲ့ ရဲစခန်းကို အ​ကြောင်းကြားတတ်ကြတယ်။တရားဥပ​ဒေစိုးမိုးရင် ဝန်ကြီးချုပ်ဖြစ်​စေ၊ သမ္မတဖြစ်​စေ၊ ဘာအစိုးရဖြစ်​နေပါ​စေ တရားဥပ​ဒေအရ အ​ရေးယူနိုင်တယ်။ ဒါ့​ကြောင့် ဘယ်သူဖြစ်​နေပါ​စေ မိမိအ​ပေါ် မတရားခြင်းကိုဖြစ်​စေရင် တရားဥပ​ဒေကို အားကိုးပြီး တိုင်​တောကြတယ်ဆိုတာကို တရားဥပ​ဒေက အစွမ်းအစရှိပြီး အားကိုးလို့ရတဲ့ နိုင်ငံတိုင်းမှာ ​တွေ့ရတယ်။

ဒီလိုပဲ ​ရပ်ကွက်ထဲမှာဖြစ်​စေ၊ လုပ်ငန်းခွင်မှာဖြစ်​စေ မီး​အကြီးအကျယ်လောင်​နေရင် ဘယ်သူမှ ဆရာဝန်ကိုမ​ခေါ်ပါဘူး။ ဘာဖြစ်လို့လဲဆို​တော့ သူမတတ်စွမ်းဘူးဖြစ်တယ်။ မီးသတ်ဌာနကိုသာ အ​ကြောင်းကြားပြီး မီးသတ်သမားတွေကိုသာ အားကိုးတတ်ကြတယ်။ အဲ... ဒါ​ပေမယ့် မကျန်းမာဘူးဆိုရင်​တော့ ဆရာဝန်သာ​ခေါ်တယ် ​ဆေးခန်းသာပြတယ်။ ဘယ်သူကမှ မီးသတ်ကိုမ​ခေါ်ဘူး။ရဲစခန်းကိုမတိုင်ကြဘူးဘဲ။

လူ​တွေမှာ မိမိတို့အတွက် အားကိုးထိုက်ပါတယ်ဆိုတဲ့သူ မည်သည်ကို အားကိုးထိုက်​သောသူဖြစ်ရမယ်လို့ ​ယေဘုယျအားဖြင့် သတ်မှတ်ကြသည်။ သူတို့ရဲ့ အားနည်း​တဲ့အရာတခုခုကို အားဖြည့်ပေးနိုင်​တဲ့သူ၊ တတ်စွမ်းတဲ့သူ၊ ဖြည့်စွမ်း​ပေးနိုင်​တဲ့သူ စသဖြင့် အစွမ်းအစရှိ​တဲ့သူကိုသာ အားကိုးတယ်ဆိုတာကိုနားလည်ရပါတယ်။ ဆိုကြပါစို့ ​အောင်မြင်ချင်​တဲ့သူက ​အောင်မြင်ပြီးသားသူရဲ့စကားကိုသာနှစ်သက်သလို ထိုသူရဲ့စကားကိုသာနား​ထောင်တတ်တယ်။

တနည်း​ဆို​သော် စီးပွား​ရေးအားနည်း​နေသူဟာ ထိုအရာအတွက် နည်းလမ်း​​ပေးနိုင်​တဲ့သူ၊ ​အောင်မြင်​စေရန် စွမ်း​ဆောင်​ပေးနိုင်​တဲ့ မစ​ပေးနိုင်​တဲ့သူ၊ ကျန်းမာ​ရေးလိုရင် အဲဒီကျန်းမာ​ရေးကို မစ​ပေးနိုင်တယိ၊ အစရှိသဖြင့် ကိုယ်တတ်စွမ်း​စေနိုင်ခြင်း​မရှိရင် အားမကိုးတတ်ကြဘူးလို့ နားလည်ရပါတယ်။ ဒါ့​ကြောင့်လည်း နတ်ကိုးကွယ်မှုတိုင်းမှာ အဲဒီနတ် တပါးပါးရဲ့ တတ်စွမ်းနိုင်ခြင်း​တွေအ​ပေါ် မူတည်ပြီး မိမိတို့ရဲ့ လိုအပ်ချက်အ​ပေါ် လိုက်ပြီး ကိုးကွယ်တတ်ကြတာကို ​လေ့လာမိပါတယ်။

​ရှေးယခင်​ခေတ်မှယခုထိတိုင် နတ်ကိုးကွယ်မှု​တွေရှိ​နေ​သေးတာကိုလည်း ထင်ထင်ရှားရှားမြင်​တွေ့ရသလို၊ ဘာ့​ကြောင့်လဲဆို​​တဲ့ အ​ဖြေမည်သည်မှာလည်း ထိုနည်းလည်း​ကောင်းပင် ဖြစ်နိုင်ပါလိမ့်မည်။ ဒါ့​ကြောင့် အီဂျစ်ပြည်ရဲ့ နတ်ဘုရားများနဲ့ ​ခေတ်အဆက်ဆက်ကို ကြည့်တဲ့အခါမှာ ဒိုင်ယာနာနတ်ဘုရား(အာ​သေမိနတ်ဘုရားမ)နှင့် အပိုလိုနတ်ဘုရားတို့ဟာ ကျန်းမာ​ခြင်းကို ​ပေးစွမ်းနိုင်တယ်။ ဒါ့​ကြောင့် ကျန်းမာ​ရေးလိုသူ​တွေ ကိုးကွယ်တတ်ကြတယ်။တနည်းအားဖြင့် အားကိုးကြတယ်​ပေါ့။ စသဖြင့် ဥာဏ်ပညာလိုချင်သူက ဘယ်သူ့ကိုအားကိုးတယ်၊ စစ်တိုက်ခြင်းအတွက် ဘယ်သူ့ကိုအားကိုးတယ်၊ ​ရေလမ်းခရီးအတွက် ဘယ်နတ်ဘုရားကို အားကိုးတယ်၊ ​နေနတ်ဘုရား လနတ်ဘုရား စသဖြင့်​တွေကို ကိုးကွယ်ကြတယ် အားကိုးကြတယ်လို့ နားလည်ရတယ်။

ရှင်ယောဟန်ခရစ်ဝင် ၁၁:၂၅

ယေရှုကလည်း၊ ငါသည် ထမြောက်ခြင်းအကြောင်း၊ အသက်ရှင်ခြင်းအကြောင်းဖြစ်၏။ ငါ့ကို ယုံကြည်သောသူသည် သေလွန်သော်လည်း ရှင်လိမ့်မည်။

လူလူချင်းလည်း တတ်စွမ်းသူဖြစ်မှသာ အားကိုးနိုင်စရာအ​ခြေအ​နေရှိမှသာ အားကိုးတတ်ကြသလို၊ ​ရှေး​ခေတ်အဆက်ဆက်မှ ယခုတိုင်အောင်လည်း ကိုးကွယ်မှု​တွေဟာ တတ်စွမ်းနိုင်ခြင်းအ​ပေါ် အ​ခြေခံတယ်ဆိုတာကိုလည်း နားလည်ရပါတယ်။ ထူးခြားမှုတခုက​တော့ ထိုထိုမည်​သော နတ်ဘုရား​တွေက တတ်စွမ်းခဲ့တယ်ဆိုရင်​တောင် အမျိုးအမည်​ပေါင်းများစွာ နတ်ဘုရား​ပေါင်းများစွာသာဖြစ်တယ်။ ယေရှုခရစ်​တော်က​တော့ အရာအားလုံးကိုတတ်စွမ်းနိုင်ပါတယ်။ အားကိုးခြင်းမည်သည် တကယ်အစွမ်းအစရှိမှဖြစ်တယ်လို့ အ​ခြေခံယူဆတယ်ဆိုရင် မိမိရဲ့တတ်စွမ်းခြင်း၊ မိမိအားကိုးရာတခုခုဟာ အရာရာကို အာမခံပါရဲ့လားလို့ ဆင်ခြင်ကြည့်ဖို့အ​ရေးကြီးတယ်လို့​ပြောချင်ပါတယ်။

ငါအားကိုးရာ ငါ့ရဲ့အစွမ်းအစ၊ ငါ့ရဲ့​ကောင်းမှုကုသိုလ်၊ ငါ့ရဲ့အကျင့်သီလ၊ ငါ့ရဲ့ဘာသာတရား၊ ငါ့ရဲ့ ​အားကိုးရာတစ်ခုခု စသဖြင့် မိမိရဲ့ရင်ဘတ်​ပေါ်ကို လက်တင်၍ ​သေ​သေခြာခြာ​မေးကြည့်ပါ ဆင်ခြင်ကြည့်ပါ။ မိတ်​ဆွေအတွက် အဆင်​ပြေတယ်ဆိုရင် ဆက်ဖတ်စရာမလို​တော့ပါဘူး။ ဒါ​ပေမယ့် မိတ်​ဆွေရဲ့စိတ်နှလုံးထဲမှာ မလုံခြုံဘူး၊ အားကိုးလို့မရဘူးဆိုတာသိသွားပြီဆိုရင်​တော့ အားကိုးလို့ရ​သော ပုဂ္ဂိုလ်နဲ့ မိတ်ဆက်​ပေးချင်ပါတယ်။ ထိုသူက​တော့ ​ယေရှုခရစ်​တော်ဘုရားပဲဖြစ်ပါတယ်။

ကျန်းမာခြင်းကို​ပေးစွမ်းနိုင်သလို ယခုဘဝ ​နောင်ဘဝအတွက်လဲ အာမခံချက်​ပေးတယ်၊ ​သေခြင်းကို ​အောင်​သော တစ်ဆူတည်း​သောဘုရားဖြစ်ပါတယ်။ ဆိုကြပါစို့ တမလွန်ကို မ​အောင်ဘဲ တမလွန်အ​ကြောင်းကို မည်သူအာမခံနိုင်ပါမလဲ။ အ​မေရိကန်နိုင်ငံကိုမ​ရောက်ဘူးဘဲ အဲဒီ​နေရာရဲ့အ​ကြောင်းကို​ပြောပြီး သင့်ကို​ရောက်ရင် လိုက်ပြ​ပေးမယ်ဆိုတာမျိုးကို သင်ဘယ်လိုအားကိုးရမည်နည်း။ ​ငွေ​ချေးမယ်ဆိုရင်​တောင် ဆင်းရဲသားဆီက​​ချေးသလား တတ်နိုင်​သောသူဆီက​ ​ချေးကြသလား။

ဒီလိုပါပဲ ငါသည်​လောကကို​အောင်ပြီဟု ဆိုတဲ့အတိုင်း ​လောကကိုလည်း ​အောင်တာကြောင့် သင်နဲ့ကျွန်ုပ် ရဲရဲကြီး အားကိုးနိုင်​တဲ့ တဆူတည်း​သောဘုရားသခင်ဖြစ်ပါတယ်။ လူလူချင်း​ဆောင် အားကိုးတတ်ကြ​သေးသလို၊ နတ်ပိစိ​ကွေး​လေး​တွေ​ကိုတောင် အားကိုးတတ်ကြ​သေးတာဘဲ။ ဘာဖြစ်လို့များ ထိုဘုရားကို အားမကိုးနိုင်စရာရှိမလဲလို့ ဘာဖြစ်လို့များ ထိုသခင်ကို လက်ခံနိုင်ဖို့ရာ တွန့်ဆုတ်​နေကြမှာလဲလို့ ဆင်ခြင်ကြည့်​စေချင်ပါတယ်။ 

ကယ်တင်ရာ​နေ့ရက်သည် ယ​​နေ့ပင်ဖြစ်​သော​ကြောင့် မိတ်​ဆွေက သခင်​ယေရှုခရစ်​တော်ကို မြည်းစမ်းကြည့်ချင်တယ်ဆိုရင်​တော့ ...

"ယေရှုခရစ်​တော်သည် ကျွန်​တော်/မ(အမည်)ရဲ့အပြစ်အတွက်လက်ဝါးကားတိုင်​ပေါ်မှာအ​သေခံအ​သွေးသွန်းပြီး သင်္ဂြုလ်ခြင်းကိုခံ​တော်မူပြီး​တော့ ကျမ်းစာလာသည့်အတိုင်း၃ရက်​မြောက်​သော​နေ့မှာရှင်ပြန်ထ​မြောက်တာကို ယုံကြည်လက်ခံပါတယ်"

ဘုရားရှင်ဆက်လက်စကား​ပြောပါ​စေ။

Titus Kyaw Nyi