နှုတ်ကပတ်တော် သမ္မာတရားက ထိုအကြောင်းအရာများအားဖြင့် ကျွန်ုပ်တို့ကို ဘာပြောနေသလဲ
ဒုတိယလက်ဘနွန်စစ်ပွဲ အဆုံးသတ်ဖို့တာဆူနေတဲ့အချိန်အခါသမယ လေယာဉ်ခရီးစဉ်လည်း တဆက်တည်းမှာ ပျက်ပြယ်သွားတဲ့အတွက် အစ္စရေးနိုင်ငံမြောက်ပိုင်း ဟိုင်ဖာမြို့ကို ကျမ ဦးတိုက်ပြီး ပြောင်းရွှေ့ဖြစ်ခဲ့တယ်။ ပြဿနာအရှုပ်ထုပ် တပွေ့တပိုက်ကြီးနဲ့ ကျမ အဲဒီမြို့က တိုက်ခန်းအသစ် တလုံးဆီကို ဆီးခိုခဲ့ရတာပေါ့။ အရင်တိုက်ခန်းပိုင်ရှင်က သင်္ဘောလုပ်ငန်းကို ဆက်မလုပ်တော့ဘူး။ သူ့မိသားစုဝင်အားလုံးနဲ့ တောင်ပိုင်းကိုရွှေ့ပြောင်းသွားခဲ့ကြပြီ။ ဟိုင်ဖာမြို့ လူဦးရေသုံးပုံနဲ့အတူ အစ္စရေးနိုင်ငံတောင်ပိုင်းကို ရွှေ့ပြောင်းသွားကြတာလို့ ဆိုရမှာပေါ့ရှင်။ သေချင်စော်နံတဲ့ တိုက်ခန်း၊ ပိုးဟပ် မျိုးဆက်တွေစုံလင်လှတဲ့ တိုက်ခန်းမှာ တခါမှတောင် မျက်မှန်းမတမ်းမိ အရင်ဘ၀ကလည်း သိကျွမ်းခြင်းမရှိဖူး သူတွေနဲ့ ကျမလေ တပတ်လောက် အချိန်ဖြုန်းခဲ့ရသေး။ အဲဒီကြားကာလမှာ Mashmidချေမှုန်းသုတ်သင်ရှင်းလင်းသူတွေလည်း သူတို့အလုပ် သူတို့လုပ်နေကြလေရဲ့။ (သမ္မာကျမ်းစာအပေါ် အခြေခံတဲ့ စကားလုံးဖြစ်တဲ့ သုတ်သင်ပယ်ရှင်းခြင်း။ ကျမအသေချာကြီးသိတာပေါ့)
တိုက်ခန်ပြောင်းနေပြီး မကြာခင်မှာပဲ ကျမ
ရေဒုက္ခ ကြုံရပါတော့တယ်။ အစ္စရေးနိုင်ငံက
သူတို့ နိုင်ငံရဲ့ စည်းမျဉ်း ထုံးစံအတိုင်း ဆယ်စုနှစ်တခုအထိ
ရေတိုင်းထွာမှတ်သားခြင်းကိစ္စရပ်ကို မဖြစ်မနေ လုပ်ဆောင်ကြရတယ်လေ။ အဲဒီအချိန်အခါမှာ အစ္စရေးရောက်ကျမအတွက် ပထမဦးဆုံး ရေဖိုးပြေစာကို
စတွေ့ရလိုက်တော့တာပါပဲ။ ကျမ ဒီတိုက်ခန်း ကို ရောက်လာတာမှတပတ်ရှိသေး။ ရေမီတာခက
တနှစ်စာ စရိတ်လောက်အထိ ဇယားပြနေပြီ။
ရေဖိုးကုန်ကျငွေကိစ္စကို
ကျမရဲ့ရှေ့နေကို ဂဃနဏ ရှင်းပြခဲ့ရတယ်။ (ဒီနေရာမှာ မှတ်သားဖို့ကောင်းတာတခုက
အစ္စရေးလိုနိုင်ငံမျိုးမှာ လူတိုင်း မဖြစ်မနေ ရှေ့နေတဦးနဲ့ စာရင်းကိုင်တဦး
လိုကိုလိုအပ်တယ် ဆိုခြင်းပါပဲ) ထက်မြက်သွက်လက်လှတဲ့မြို့ကြီးသူ နယူးယောက်မြို့က
အမျိုးသမီးတဦးက ရေနဲ့ပတ်သတ်တဲ့အကြောင်းအရာတွေကို နားထောင်၊ သုံးသပ်ပြီးတာနဲ့
သူထင်တာမှန်တဲ့ကြောင်း သက်သေပြုချက်နဲ့အတူ အထောက်အထားတွေပါ တင်ပြခဲ့တယ်။
သူ့သုံးသပ်ချက်က“ဒုံးကျည်ကြောင့်ဖြစ်လိမ့်မယ်”ဟူသတတ်။
သူ့အမြင်မှာ (ဟီဘရူးဘာသာစကားဖြင့် dud
she-meshလို့ လူသိများတဲ့)
စစ်တွင်းကာလမှာ
တိုက်ခန်းပိုင်ရှင်ဖြစ်သူ Hezbollahရဲ့ ခေါင်မိုးပေါ်မှာက
နေရောင်ခြည်စွမ်းအင်သုံးပစ္စည်းကို ဒုံးကျည်ထိမှန်သွားတဲ့အတွက်ကြောင့်
ရေ၀င်ရေထွက်လုပ်ပေးတဲ့ပစ္စည်းတွေထိသွားတာဖြစ်တယ်။
နို့ အဲဒီလိုမဖြစ်နိုင်ဘူးဆိုတာ ကျမ အသေချာကြီး သိနေတယ်။ သူတွေးထင်တဲ့အတိုင်း မှန်နေမယ်ဆိုရင် တခြားတိုက်ခန်းတွေကိုလည်း ဘာလို့ မထိခိုက်ရတာတုန်း။ တခြားတိုက်ခန်းမှာ နေထိုင်သူတွေကိုလည်း ရေယိုစိမ့်မှုအကြောင်း စုံစမ်းတီးခေါက်ဖြစ်တော့ ဖြစ်ဖူးကြတယ်လို့ သူတို့ကလည့်း ပြန်ဖြေကြတယ်။ ဒါကြောင့်မလို့ ဒီရေယိုစိမ့်မှု ပြဿနာက အရင်တိုက်ခန်းပိုင်ရှင် Shemesh မရှိခင်ကတည်းက ရေပေးဝေတဲ့နေရာမှာ ၀က်အူချောင်နေလို့ပဲ ဖြစ်ရမယ်လို့ ကောက်ချက်ချ လိုက်မိတော့တာပဲ။ အသေးစား ပြုပြင်ဖို့သာလိုအပ်ရှိတဲ့ပြဿနာ အသေးလေးအမွှားလေးက ကျမကိုယ်တိုင် ဘာမှမတတ်နိုင်တော့လောက်အောင် အရွယ်အစားကြီးကောင်ကြီးမားအထိ ပြောင်းလဲသွားတယ်။
ဒီလိုနဲ့ သတ္တမနေ့ (ဥပုတ်နေ့ မတိုင်ခင်
တရက်)မှာ ကျမ ပိုက်ပြင်နိုင်ခဲ့တယ်။ ပိုက်ပြင်ဆရာက ပြဿနာကို ၂၅ပေါင်နဲ့
တန်အောင်ပြင်ပေးပြီးတော့ ဒီပြဿနာဖြစ်ရတဲ့ အကြောင်းအရင်းကို ဟေဗြဲဘာသာအခေါ်
iryah(ကောင်စီ)မှာ ရှင်းပြဖို့ ပြောခဲ့ပါတယ်။ ကျမလည်း မှတ်စုစာအုပ်ကို ကျမရဲ့
ရှေ့နေဆီ လွှဲပေးဖြစ်ခဲ့တယ်။ သူဒီကိစ္စကို ဖြေရှင်းနိုင်တဲ့အချိန်ကစပြီး
၁၈လကြာတဲ့အထိ ရေမီတာစာရွက် ထပ် မရတော့ပါဘူး။
လူတိုင်းနီးပါး ဆိုးတကာ့အဆိုးဆုံးကို တွေးယူနေတဲ့အချိန်မှာ ဒုံးကျည်ကြောင့် မဟုတ်ဘဲ ၀က်အူချောင်နေတယ်ဆိုတဲ့ ကျမရဲ့ယူဆချက်က ဘာအတွက်ကြောင့်များ မှန်နေခဲ့ရတာပါလဲ။ ဘာလို့လဲဆို ကျမကိုယ်တိုင် တွေ့ကြုံဖူးတဲ့ ကြီးမား ခက်ခဲလှပြီး ရုတ်ချည်းဆန်တဲ့ကိစ္စတွေက မကြာခဏပဲ အသုံး မကျ ပါမွှားလေးအဖြစ် လျစ်လျူရှုခံရခြင်းကနေ တဖြည်းဖြည်း ကြီးထွားလာဖို့ ခွင့်ပြုခံရတဲ့အတွက်ကြောင့်မို့လုိ့ဖြစ်တယ်။ အစ္စရေးနိုင်ငံသားတွေက စစ်ပွဲအတွေ့အကြုံများလာပြီးတဲ့ နောက်မှာတော့ ကမ္ဘာကြီးကို ဆန့်ကျင်သပိတ်မှောက် အဆက်အဆံမလုပ်ချင်တော့အောင်မုန်းတီးကြပြီး ဆိုးဝါးကုန်ကြတော့ တယ်။ဲဒီအချိန်ခါရဲ့ ယိုယွင်းပျက်စီးမှုတွေကလဲ ဖြစ်ရိုးဖြစ်စဉ်ဆိုတဲ့ခံစားချက်တွေက နေရာယူထားလေတယ်။ အစ္စရေးနိုင်ငံရေပေးဝေတဲ့စနစ်လဲ ပျက်စီးသွားစေခဲ့တယ်။ အဲဒီကိစ္စက အခုဖြစ်ပွားနေတဲ့ ကိစ္စပါပဲ။
ကျမတို့အားလုံး
ပဿခါပွဲအတွက် ပြင်ဆင်နေကြတယ်။ သမီးဖြစ်သူက ကျမရဲ့တိုက်ခန်းမှာ မိသားစုဝင်တွေ
အားလုံးစုဝေးပြီး ပဿခါလုပ်မယ်လို့ ဖေဖော်ဝါရီ ၂၃ရက်နေ့မှာ ဖုန်းဆက်
အကြောင်းကြားတဲ့အခါ အိမ်သာသုံးတစ်ရှူး အပိုတွေ ဖြည့်ရမယ်။
မီးဖိုချောင်သုံးတစ်ရှူးတွေ ထပ်ထည့်ရ မယ်။ ပြန့်ကျဲနေတဲ့စာအုပ်တွေကို စီစရီ
ထားရမယ်လို့ ဘယ်လိုမှ ကျမမတွေးမိခဲ့။ တိုက်ခန်းပိုင်ရှင်ဟောင်း ဖြစ်သူရဲ့ ဆန္ဒအရ
ဂျူးဓမ္မဆရာအားဖြင့် နောင်လာနောက်သားများဖတ်ဖို့ ချန်ထား ခဲ့တဲ့
စာအုပ်ပုံနှစ်ပုံနဲ့ တစ်စုံတယောက်ဆီက ပို့ထားတဲ့ အိမ်ခြေယာမဲ့အမျိုးသမီးတဦးနဲ့ကျမ
နေနေကြတယ်။
ပဿခါပွဲကျင်းပဖို့ရန်
အရေးကြီးတဲ့အချိန်ရောက်လာတာနဲ့ သန့်ရှင်းရေးလုပ်ပြီး လုပ်ငန်း ဆောင်တာတွေကို
စနစ်တကျ စီထားတယ်။ အဲဒီလို အစဉ်အလိုက်စီထားခြင်းက စာဖတ်သူအတွက် အမှန်တကယ်ပဲ အကူအညီဖြစ်ကောင်းဖြစ်ပါလိမ့်မယ်။ ပဿခါပွဲအတွက်
သန့်ရှင်းရေးလုပ်တဲ့နေ့မှာ ပြင်သစ်စာအုပ်တွေကို ဖုန်ခါနေတုန်း ကျမA Levelပညာရပ်
ဆည်းပူးခဲ့စဉ်အခါတုန်းက အယ်ဘတ်ကမက်စ် ရေးသား ထားတဲ့ ကပ်ရောဂါဆိုးဆိုတဲ့ စာအုပ်မိတ္တူနှစ်စုံကို
မထင်မှတ်ပဲ တွေ့မိခဲ့တယ်။
စိတ်ဝင်စားစရာကောင်းချက်ကတော့ရှင်..။ တရုတ်ပြည်သူ့သမ္မတနိုင်ငံရဲ့
မြို့လေးတမြို့ကနေ အစရချီလိုက်တာ
ကမ္ဘာတလွှားကို (အထူးသဖြင့်)ရောပနှင့် မြောက်အမေရိကကို လျင်လျင်မြန်မြန်နဲ့
ကူးစက်ပျံ့နှံ့လိုက်တဲ့ ကပ်ရောဂါဆိုကြီး စတင် ဖြစ်လာတယ်။
“သေခြင်း
အမိုက်မှောင်”လို့ လူသိများလှတဲ့ ကပ်ဆိုးကြီးက တကမ္ဘာလုံးမှာ တပြိုင်နက်တည်း
ကြုံတွေ့ခံစားကြရ တယ်။ ဒီလိုဖြစ်ပွားမှုနှုန်းက လွန်ခဲ့တဲ့ ၁၄ရာစုနှစ်အလယ်
ကာလများမှာလည်း ဥရောပတ၀ိုက်မှာ ဆတူအဖြစ်မျိုး ဖြစ်ပွားခဲ့ပြီး ကမ္ဘာ့တိုက်ကြီးများရဲ့
လူဦးရေသုံးပုံရဲ့တ၀က်လောက်ကို ရှင်းလင်း သုတ်သင်ခဲ့တာပေါ့။
ဒါကြောင့်လည်းပဲ
ဂျူးတွေက ၀မ်းနည်းစွာနဲ့ ဒီကပ်ရောဂါဆိုးကြီးကို အပြစ်တင်ဝေဖန်ဖို့ မလိုလားကြပါဘူး။
အဲဒီအချိန်အခါတုန်းက အင်္ဂလန်မှာ ဂျူးတွေ အမှန်တကယ် မနေကြပေမယ့်လည်း
အင်္ဂလန်အသင်းတော်တွေဆီက ခွန်အားပေးခြင်း၊ တိုက်တွန်းခြင်း၊ နွေးထွေးခြင်းမေတ္တာတွေတော့ ရခဲ့ကြဖူးပါရဲ့။
(King Edwardရဲ့ မဟာအမိန့်တော်အရ ဂျူးတွေကို ၁၂၉၀ခုနစ်မှာ အင်္ဂလန်ကနေ
နှင်ထုတ်ခဲ့တယ်) အဲဒီအချိန်ကလတုန်းကတော့ ဒီအကြောင်းအရာကို ဂျူးတွေက လျာရိုးမရှိ
အဓိပ္ပါယ်မဲ့ ပြစ်တင်ပြောဆိုဝေဖန်ခဲ့ကြတယ်။ ဘာကြောင့်ဆို ရှေးဆန်တဲ့
ဂျူးဓမ္မဆရာတွေက ဆေးဆရာဝန်တွေ ဖြစ်ခဲ့ကြပြီးတော့ မွတ်ဆလင်ဘာသာရေးခေါင်းဆောင်
များနဲ့သာမက ခရစ်ယာန်ခေါင်းဆောင် အကြီးအကဲတွေနဲ့လည်း
မကြာခဏဆေးဘက်ဆိုင်ရာကိစ္စတွေအပြင် တိုင်းရေးပြည်ရေး ကိစ္စအ၀၀ မှာလည်း
အကြံပေးလေ့ရှိခဲ့ကြတယ်။ ဂျူးတွေရဲ့ လုပ်ကိုင်ပုံတွေက ကျန်းမာရေးနဲ့စပ်လျင်းပြီး
ကောင်းမွန်စွာ ရှင်သန်ရပ်တည်နိုင်ရေး ကဏ္ဍတို့မှာလည်း အခြားတပါးသောသူတွေရဲ့ စံချိန်စံနှုန်းကိုလည်း
လွှမ်းမိုးထားပြီး သီတင်းသီလ ဥပုသ်စောင့်ခြင်းမှာ အခြားသူများကိုလည်း လိုက်နာစေတယ်။
ရှေးအစောပိုင်း
အလယ်ခေတ် (အေဒီ ၁၁၀၀-၁၄၀၀ခန့်)လောက်မှာ ပထမဆုံး ရှေးဦးသမ္မာကျမ်းစာ အနက်
ဖွင့်ဆိုသူနဲ့ Talmudအဓိပ္ပါယ်ရှိတဲ့
ဂျူးလူမျိုးများ လိုက်နာရမဲ့ ဥပဒေကို ပြုစုရေးသားသူ
ဗာဗုလုန်မြို့သားဂါအိုနင်းပုဂ္ဂိုလ်က သိပ္ပံပညာနဲ့ ဆေးဝါးပစ္စည်းနောက်ကို အစဉ်တဆက်
လိုက်စားခဲ့တယ်။ ဒါပေသိ များပြားလှတဲ့ ဘာသာရေးပိုင်းဆိုင်ရာ ပညာတတ်ပေါင်းများစွာ
ပေါ်ထွက် လာပြီးနောက်မှာတော့ ဘက်စုံရှုထောင့်စုံကနေ ဆေးပညာနဲ့ သိပ္ပံပညာကို သင်ယူ
လာကြပြီးနောက်ပိုင်း မြောက်များစွာသောကုသမှုခံယူသူတို့က သူတို့ကိုယ်ပိုင် အဖွဲ့အစည်းနဲ့ တခြားအသိုင်းအ၀ိုင်းများမှာ ဆေးပညာနဲ့ သိပ္ပံပညာလိုမျိုး
ဒဿနိကဗေဒ၊ ဘာသာဗေဒ သင်ယူခြင်းနဲ့ဓမ္မရေးရာ
လေ့လာမှုပိုင်းဆိုင်ရာ တို့ကို ပြုလုပ်လာကြတယ်။
ဒါကြောင့်မလို့လည်း
ဂျူးဘာသာမှာ သိပ္ပံပညာနဲ့ ဘာသာရေးဆိုင်ရာကြားထဲ ဘယ်သောအခါမှ ပြဿမနာမရှိခဲ့။
မိမိကိုယ်၌ဖြစ်စေ၊ သူတပါး၌ဖြစ်စေ၊ တိရစ္တာန်များ၌ဖြစ်စေ၊ သစ်ပင်ပန်းမန်များနှင့်
အမိကမ္ဘာမြေ၌ဖြစ်စေ အကောင်းဆုံး အတတ်နိုင်ဆုံး မလိုလားအပ်တဲ့ထိခိုက်ပျက်စီးမှတွေ
မဖြစ် ရလေအောင် ရှောင်ကြဉ်နိုင်ဖို့ရန် နေ့စဉ်သွားလာမှုတွေမှာ တင်းကျပ်လှတဲ့
စည်းမျဉ်းစည်းကမ်းဥပဒေတွေ ချမှတ်ခြင်းကို ဆင့်တဲ တစ်စေ့တပိုင်း နားလည်လာကြတယ်။
အဲဒီဥပဒေတွေထဲမှတခုက
အစ္စရေးနိုင်ငံကို လုံးလုံးလျားလျား
နားလည်မှုလွဲစေတဲ့
ရှီချီတာမြို့ မှာ ချမှတ်ထားတဲ့ တည်ဆဲဥပဒေသတခုဖြစ်တဲ့
အသားစိမ်း၊ငါးစိမ်းတွေကို ကျက်ပြီးသားအသားတွေနဲ့ ရောသမမွှေကြော်လှော်ချက်ပြုတ်နိုင်ခြင်းကို
ကောင်းတဲ့ဆင်ခြင်တုံတရားတခု မဟုတ်ကြောင်း ရှင်းရှင်းလင်းလင်း တွေ့ရပါတယ်။
အဲဒါတွေက အစာစက်ဝန်းထဲ ရောက်ရှိလာမဲ့သွေးတွေကို အကာအကွယ်ပေးရမဲ့
အထူးအလေးပေးချက်ပုံစံမျိုးနဲ့ကို ဥပဒေချမှတ်သင့်ပါတယ်။
The Talmadဥပဒေက ဂျူးမဟုတ်တဲ့သူတွေအတွက် တိရစ္ဆာန်တွေရဲ့ ကိုယ်လက်အင်္ဂါကို မချိုးရဘူးလို့ ဆိုထားတဲ့ ဥပဒေသာမက Seven Noachide Laws(နောဧချမှတ်တဲ့ ဥပဒေ ၇ချက်)တို့ကိုပါ လိုက်နာဖို့ ချမှတ်ကြပါတယ်။ တိရစ္ဆာန်တွေကိုလည်း စာနာညှာတာကြောင်း ပြသဖို့ လူပေါင်းမြောက်များစွာ ကို တိုက်တွန်းလေ့လည်းရှိတယ်။ သို့ပေသိ ကပ်ရောဂါ လိုကိစ္စမျိုးမှာတော့ သူတို့ရဲ့ ရှုထောင့်အမြင်တွေ ဘယ်လိုဖြစ် လာ လိမ့်မလဲ။
ရှင်တို့အားလုံးသိကြတဲ့အတိုင်းပဲ Pesachပွဲတော်တွေ ကာလမှာ(ဧပြီ၈ရက်နေ့ ညနေမှစတင်ပြီး ၈ရက်အကြာ ကျင်းပတဲ့ပွဲတော်) ကပ်ဘေးကြုံခဲ့ဖူးတဲ့ ထွက်မြောက်ရာကျမ်း ဇာတ်လမ်းရဲ့ ကပ်ဘေး (၁၀)မျိုးအကြောင်းကို ပြန်ပြီးတော့ အမှတ်ထင်ထင် အောက်မေ့ဆင်ခြင်မိတယ်။ အီဂျစ်တပြည်လုံး သွေးအတိလွှမ်းခဲ့ရတဲ့ သွေးဆည်အကြောင်းကစလို့ပေါ့။ အဲဒီ အဖြစ်အပျက်က ဂျူးတွေရဲ့ယုံကြည်မှုအရ အနက်ဖွင့်ရရင် Pagan Selvesဆိုတဲ့ မိမိကိုယ်ကို အားကိုးကိုးကွယ်မှုကနေ ရုန်းထွက်နိုင်ဖို့ သတိပေးခြင်းလည်းဖြစ်တယ်။ အဲဒါကြောင့် လည်း ဂျူးတွေက ဘယ်တုန်းကမှ အသွေးကိုမစားတော့ပါဘူး။ စားလည်း မစားသင့်ပေဘူး။ ဒါပေမဲ့ ဘယ်လိုအကြောင်းပြချက်ကြောင့်ဖြစ်ဖြစ် သမ္မာကျမ်းစာထဲက ကပ်ရောဂါဆိုးကြီးတွေကတော့ ဆိုဒ်သေးသေးလေးဖြစ်နေရာကနေအကြီးကြီးဖြစ်လာတဲ့အထိ တဖြည်းဖြည်းနဲ့ ဆက်တိုက်ဆိုသလို ဖြစ်ပေါ်လာတာပဲ။ လူသားတွေရဲ့ ဘ၀ရှင်သန်မှုတွေကို လမ်းကြောင်းမှန်ပေါ် ပြန်ရောက်နိုင်ဖို့ အခွင့်အလမ်းတွေတော့ ပေးနေဆဲပါပဲ။ ကပ်ဆိုး(၁၀)မျိုးရှိတဲ့အထဲမှာ (၈)ခုမြောက်က အလင်းမဲ့မှောင်မိုက်ခြင်းဖြစ်တယ်။ အဲဒါကို သမ္မာကျမ်းစာထဲမှာ ကိုယ်ထည်ကိုယ်ဒြပ် အနေနဲ့ ရုပ်မြင်ဝါဒတည်ရှိမှုကိုလွှမ်းမိုးခြင်းလို့ ဖော်ပြထားလေသတဲ့။ အမှောင်မိုက်ဆုံးဖြစ်တဲ့ စိတ်ဓာတ်ကျခြင်းဆိုပြီးတော့ မကြာခဏ ဖော်ပြခြင်းခံရတဲ့ အမျိုးအစားဖြစ်တယ်။
သမ္မာကျမ်းစာက
ကျမတို့ကို သွန်သင်ဆုံးမနေတာက ကပ်ရောဂါဆိုးများတွေက လူသားတွေရဲ့ ရုပ်ပိုင်းဆိုင်ရာဒုက္ခ
ဘေးတခုတည်းမဟုတ်ဘဲ
လူသားမျိုးနွယ်တခုလုံးကို ဆိုးကျိုး သက်ရောက်စေပြီးတော့ လူသားတွေရဲ့
ခံစားချက်တွေနဲ့ လူသားရဲ့ဝိညာဉ်တွေမှာပါ ဆိုးကျိုးသက်ရောက်စေနိုင်ပါတယ်။ အဲ... ဒီလောက်နဲ့လည်း မပြီးသေးပြန်ဘူး။
ပွတ်တိုက်ခြင်းလဲ ရှိပါသေးရဲ့။ Pesachပွဲတော်အတွက် ကျမတို့မိသားစု
နောက်ဆုံးအတူရှိခဲ့တဲ့အချိန်မှာ ဒုက္ခဖြစ်ခဲ့ရတယ်။ ဘာကြောင့်လဲဆိုရင် (၅)နှစ်သားမြေးမလေးက
ကျမကို သင်ခန်းစာကောင်းတခု ပေးခဲ့ခြင်းကြောင့်လို့ ဆိုရမယ်။ သမ္မာကျမ်းစာထဲက
ကပ်ဘေး (၁၀)မျိုးနဲ့ ပတ်သက်ပြီး မြေးဖြစ်သူ ဘယ်လိုဖြေမလဲကို သိချင်တာကြောင့်
ဟေဗြဲလို eser makotလို့ ပြောပြီး ဖြေပါလို့မေးခဲ့တဲ့အချိန်မှာ ကျမကို
မျက်နှာထားတင်းတင်းကြီးနဲ့ စိုက်ကြည့်ပြီး asur la-hakot yeladim afilu paam
‘achat’လို့ ပြန်ဖြေတယ်။ အဓိပ္ပါယ်ကတော့ ကလေးတွေကို တိုက်ခိုက်ထိုးနှက်ဖို့
ဘယ်သောအခါမျှ ခွင့်မပြု။ မြေးမလေးပြောတာက ကျမမေးလိုက်တဲ့
ကပ်ဘေးအကြောင်းနဲ့ ဘယ်သို့ ဘယ်ပုံ ဆက်စပ်နေပါသလဲဆိုပြီး မိတ်ဆွေကတော့ အံ့အား သင့်ကောင်းသင့်နေပါမယ်။‘hakot’စာလုံး၏
မူရင်းဆိုလိုရင်းက ကပ်ဘေးရောဂါဆိုးကို ကိုယ်စားမပြုပါဘူး။ ဒါပေမဲ့
ကြိယာတလုံးအနေနဲ့ကတော့ ထိုးနှက်သည် (သို့မဟုတ်)တစ်စုံတခုကို
လွင့်ထွက်အောင်ရိုက်ပုတ်သည်လို့တော့ အဓိပ္ပါယ်ရတယ်။
မြေးမလေးဖြေခဲ့တဲ့အကြောင်းအရာကစာလုံးနှစ်လုံးကို ကြားကနေ ဆက်စပ်မှုပေးပြီးတော့
အဖြေမှန်တဲ့ အကြောင်းကို ဖော်ပြခြင်းဖြစ်တယ်။
မိတ်ဆွေကတော့
ဘာကိုဆိုလိုနေတာလဲလို့ အံ့အား သင့်နေဦးမှာပါပဲ။ ဆိုလိုရင်းကတော့ ကပ်ရောဂါဆိုးတခုက
လူသားတွေကို အမှတ်မထင် ရိုက်ခတ်ထိုးနှက်တတ်ကြပြီးတော့ အထိုးနှက်ခံရတဲ့
နေရာတွေမှာလည်း ကပ်ဘေးဒုက္ခနဲ့ဆိုင်တဲ့ လက္ခဏာတွေ ရှိနေတတ်ကြတယ်လေ။ အဲဒီဟာတွေအတွက်
ကျမတို့ ဘာမျှမတတ်နိုင်ပါဘူး။ အဲဒီအရာတွေက တိုက်ရိုက် ကျမတို့ရဲ့အမှားတွေ
မဟုတ်ခဲ့ပေမဲ့လည်း သွယ်ဝိုက်ပြီး
ဖြစ်စေတဲ့အကြောင်းအရာတွေ ရှိနေတတ်ပေတယ်။ ဘုရားသခင်ရယ် ဘာကြောင့်များ
ကမ္ဘာကြီးထဲ ဒီလိုကပ်ဘေးမျိုးကို ၀င်လာခွင့်ပြုရသလဲဆိုတဲ့ မေးခွန်းကိုတော့
မေးလို့မရပါဘူး။ ကျမတို့က ဘုရားသခင်ရဲ့ တွေးမြင်ယူဆချက်တွေကို မသိနိုင်ဘူးလေ။
နှုတ်ကပတ်တော် သမ္မာကျမ်းစာထဲက တရားဟောရာကျမ်း အခန်းကြီး(၃၀)မှာဆိုရင် ကျမတို့ကို
ပြောထားတာက ကျမတို့ပြဿနာရဲ့အဖြေက ကောင်းကင်ဘုံမှာမရှိသလို ပင်လယ်
သမုဒ္ဒရာတဖက်မှာလည်းမရှိ ဟူသတတ်။
တခြားဆန့်ကျင်ဖက်
တချက်မှာတော့ ဒီလိုကိစ္စမျိုး ဒီအကြောင်းအရာမျိုးက မိတ်ဆွေရဲ့
နှလုံးသားနှင့်ပါးစပ်ထဲမှာပဲ သယ်ဆောင်ထားဖို့လောက်တော့ နီးစပ်မှာပါ။
အဲဒီကျမ်းပိုဒ်ကို
ကျမဒီလိုမျိုး အနက်ပြန်လေ့ရှိတယ်။ တကယ်လို့များ
ကျမတို့လူသားတွေ
ကပ်ဘေးဒုက္ခတွေကိုဖြေရှင်းဖို့ဆန္ဒနဲ့ လိုအပ်တဲ့ငွေကြေးတွေ
ရှိနေမယ်ဆိုရင်တော့ အဲဒီိပြဿနာ ကြပ်တည်းမှုမျိုးကို
ဖြေရှင်းပေးနိုင်မဲ့အဖြေကျမတို့ ကိုယ်တွင်းထဲမှာရှိနေမှာပါ။
Shabbatရဲ့ Sedraတွေက ကျမတို့ကို
သင်ပေးလိုက်သလိုပါပဲ။ (သမိုင်းတွင် ပထမဆုံး အကြိမ်အဖြစ် အိမ်၌ Shulsကို
ပိတ်ထားသကဲ့သို့) စုပေါင်းအဖွဲ့ဟာ လူအုပ်ကြီးတွေထက် ပိုများပါတယ်။
အဲဒီအစုအဝေးကြီးဟာ စင်္ကြာဝဠာတခုလုံး အဓိပ္ပါယ်ရှိရှိ လေးစားသမှုနဲ့ သတိထားစောင့်ကြည့်တဲ့ သူတွေ ဖြစ်တယ်။
သေးငယ်လှတဲ့
စက္ကန့်တွေဖြစ်နေပေမဲ့လည်း ထာဝရဘုရားရှင်က ကမ္ဘာမြေကြီးကို မျှတလှတဲ့ ရည်ရွယ်ချက်တွေနဲ့
ပြင်ဆင်ပြောင်းလဲပေးခဲ့ပါတယ်။ တစ်ခါတလေ အချိန်အတော်ကြီးကြာမှ ကျမတို့အပေါ်
မိုးကြီးရွာချပေးတာ ရှိမယ်။ လေအရမ်းတိုက်လို့ လွင့်စင်သွားတာလဲရှိမယ်။ ကျမတို့
မမျှော်လင့်ထားတဲ့ နည်းလမ်းတွေနဲ့ ထိုးနှက်ခံရတာမျိုးရှိမယ်။ ၂၀၀၆သြဂုတ် Haifaမှာဖြစ်ခဲ့တဲ့
Solar Systemရဲ့ ဟာကွက် အမှားတွေလိုမျိုး ရှိချင်ရှိနေမယ်။
ထပ်ဖြည့်ပြောရမယ်ဆိုရင်
တပည့်တော်တယောက်ဖြစ်တယ်ဆိုတဲ့အကြောင့် အခိုင်အမာပြောနိုင်ဖို့ အထူးသတိရ ကြဖို့
အရေးကြီးလှတယ်။ ကျမတို့မှာ ကြီးမြတ်တဲ့ ထာဝရမြတ်စွာသောဘုရားရှိနေတယ်ဆိုတဲ့ ယုံကြည်ချက်မျိုးနဲ့ ကျမတို့ရဲ့
ပြုမူကျင့်ကြံနေထိုင်ခြင်းတွေကလည်း မျှမျှတတနဲ့ ရှင်သန်ကြီးထွား နေရပါမယ်။
ပြီးခဲ့တဲ့
ဥပုသ်နေ့နဲ့ လာမဲ့ပွဲတပွဲစပ်ကြားကာလမှာ ထွက်မြောက်ရာကျမ်းအဆုံးပိုင်းနဲ့
၀တ်ပြုရာကျမ်းအစပိုင်းကို ဖတ်ရှုစဉ်မှာ နားချိန်ရှိပါတယ်။ ဒီအရာသည် ကျမတို့ရဲ့လူမှုရေးအသိုင်းအ၀ိုင်းက
ဘုရားသခင်ရဲ့နိုင်ငံတော်ကို ယဇ်ပုရောဟိတ်တွေနဲ့ သန့်ရှင်းသူတွေအဖြစ်
ဘယ်လိုပြောင်းလဲပြီးတော့ ဘယ်လို အသက်ရှင်ကြရမလဲဆိုတာနဲ့ ဆက်စပ်နေပါတယ်။ ဘယ်လောက်ပဲ
ဖရိုဖရဲနိုင်လှတဲ့ အခြေအနေတွေက ကျမတို့ကို ၀န်းရံနေပေမယ့်လည်း ဘုရားသခင်ရဲ့
ခေါ်တော်မူသော အသံတော်က ဘယ်တော့မှ ပြောင်းလဲခြင်းမရှိခဲ့ပါဘူး။
ဒါပေမယ့်လည်း
အဲဒီနှစ်ကျမ်းကို ဖတ်ရှုခြင်းကြားမှာ သမာရိုးကျပြောနိုင်တဲ့ အရာတခုကတော့
သမ္မာကျမ်းစာထဲက အခြေအနေတွေဟာ ဒီဘက်ခေတ်မှာလည်း အသုံးကျနိုင် တယ်ဆိုတာပဲ။
Chazak,
Chazak, Ve-nitchazek ဒီစာကြောင်းရဲ့ အဓိပ္ပါယ်က ရဲရင့်စမ်းပါ။ ၀မ်းမြောက်စမ်းပါ။
မင်းလုပ်နိုင် တယ်။ ငါတို့အဆုံးအထိ ကျော်ဖြတ်နိုင်တယ်။ ငါတို့
အကောင်းဆုံးမျှော်လင့်ပြီး အကောင်းဆုံး ကျော်ဖြတ်နိုင်တယ်။
La
Pesetsဆိုတဲ့စာရေးဆရာတဦး ရေးသားထားတဲ့ Camus’ Post War allegoryဆိုတဲ့ စာအုပ်ထဲက
ကောက်နှုတ်ချက်တချို့နဲ့ အဆုံးသတ်ချင်ပါတယ်။ အဲဒီစာအုပ်ထဲက အကြောင်းအရာ အချို့က
ကျမတို့ လူသားအားလုံးကို အမှန် တကယ် ပြောကြားနေခြင်းဖြစ်တယ်။ (ဒီစာအုပ်ရဲ့
စာရေးသူက စာပေနိုဘယ်ဆုရှင်ဖြစ်တယ်) စာအုပ်ပါ အကြောင်းအရာက ယခုထိတိုင်
ဆက်စပ်နေဆဲဖြစ်တယ်လေ။
“ဒီအရာတွေရဲ့
အဆုံးမှာ ဘာတွေဖြစ်လာမလဲဆိုတာ ဒါမှမဟုတ်
ဘယ်အရာက ကျမကို စောင့်မျှော်နေမလဲဆိုတာ မပြောတတ်ပါဘူး။ ဒီအချိန်ကာလမှာ
ကျမသိသင့်တဲ့အရာ တခုက ဖျားနေတဲ့လူတွေဟာ ကုသမှုလိုအပ်နေတယ်ဆိုတာပဲဖြစ်တယ်။
ကျမသိတဲ့လူက အမှန်တကယ်ကို ကြီးကြီးမားမား စွမ်းဆောင်နိုင်တယ်။ ဒါပေမယ့်
အဲဒီလိုမျိုး ကြီးကြီးမားမား စွမ်းဆောင်မဲ့ဆန္ဒမရှိရင်လည်း တဖက်သားကို
ဘာမျှမထိခိုက် မနာကျင်စေဘဲ အေးဆေးထားသွားရုံပါပဲ”
Dr Irene Lancasterသည်
Jewish Academic, Author, Translatorတယောက် ဖြစ်သည်။
Jewish History, Jewish Studies and the Hebrew Bibleကို
တက္ကသိုလ်မှာ သင်ရိုးအဖြစ် စတင်ပို့ချပေးခဲ့သူလည်းဖြစ်သည်။
Modern Languages and Religious Educationတွင်လည်း ဆရာမအဖြစ်
လေ့ကျင့်သင်ကြားခြင်း ခံရသူလည်း ဖြစ်သည်။
မူရင်းရေးသားသူ -
Irene Lancaster
ဘာသာပြန်ဆိုသူ - အစ်စတဲလ်
